Abel Tesfaye ose “The Weeknd”, ka zbuluar një tjetër dashuri të madhe të tij (përveç muzikës) që nuk është tjetër veçse ajo e kafesë.

I lindur në Toronto, Kanada, nga prindër emigrantë nga Etiopia, ai mori disa ndikime nga atdheu i prindërve të tij. Dhe nëse ky vend është i famshëm për ndonjë gjë, kjo është tradita e kafesë.

Me rastin e Ditës së Nënës, The Weeknd krijoi “Samra Origins”, (Samra, siç është emri i nënës së tij), për të nderuar veten dhe vendin e saj të origjinës.

Në veçanti, këngëtari i njohur bashkëpunoi me “Blue Bottle Coffee” dhe krijoi markën e tij të kafesë për të mbështetur vendlindjen e Samra.

Është një produkt që synon të nxjerrë në pah vendin që lindi kafenë, por edhe një anë të The Weeknd që nuk e njihnim deri më sot.