2024 mund të jetë viti, ku në Itali do të shijohet më së shumti pica me ananas dhe kjo falë Gino Sorbillo, maestros së picave. Kjo pasi maestro ka shtuar ananas në menunë e tij në Via dei Tribunali, rruga më e njohur e picave në botë, kryeqyteti i picës. Krijimi i Sorbillo, i quajtur “Margherita con Ananas” kushton 7 euro (7.70 dollarë). Kjo menu nuk përmban salcë domatesh, tre lloje djathërash por vetëm ananas.

Sorbillo i tha CNN se ai e krijoi këtë menu për të luftuar paragjykimet ushqimore.

“Mjerisht njerëzit ndjekin turmën dhe kushtëzohen sipas pikëpamjeve të njerëzve të tjerë, ose asaj që dëgjojnë. Kam vënë re në vitet e fundit se shumë njerëz po dënonin përbërësit ose mënyrat e përgatitjes së ushqimit thjesht sepse në të kaluarën shumica e njerëzve nuk i njihnin ato, kështu që doja të vendosja këta përbërës të diskutueshëm në një picë napolitane, duke e bërë të shijshme”, u shpreh ai.

Këtë receta ai e ndau për herë të parë në restorantin historik të Napolit me histori 3000-vjeçare. Sorbillo ka 21 pika në mbarë botën, duke përfshirë në Miami, Tokio dhe Ibiza.

Ai ka treguar së mënyra e përgatitjes është kështu!

Ananasi piqet paraprakisht në furrë dhe më pas ftohet. Më pas ai shton provola të tymosur (një djathë vendas i qumështit të lopës nga Campania), vaj ulliri ekstra të virgjër dhe borzilok të freskët, përpara se ta vendosë picën për pjekje. Ndërsa del nga furra, ai shpërndan mikro rruaza të dy llojeve të djathit kaciorikota të tymosur: një nga dhitë e Sardenjës dhe një tjetër nga buallet në zonën e afërt Cilento.

“Kjo e bën vërtet të shijshme,” tha ai.

I shijshëm apo jo, ananasi nuk është përkrahur fort në receta për shumicën e italianëve. Kjo u vu re pasi ai e lançoi në rrjetet sociale këtë javë, madje pica e tij është diskutuar edhe në TV kombëtar. Por ai thotë se ata që kanë qenë mjaft kureshtarë kanë vizituar restorantin për të provuar këtë recetë.