Optimus, roboti i projektuar nga Tesla është testuar së fundmi në lidhje me punët e shtëpisë. Përmes një video të publikuar në rrjet, shihet teksa roboti vendoste në tenxhere vezët për të zier, ose mund të përgatiste edhe darkën.

“Në të ardhmen sigurisht që do të jetë në gjendje ta bëjë plotësisht në mënyrë autonome”, shkruan CEO i Tesla, i cili synon të përdorë robotin si ndihmës shtëpiak, për të përgatitur darkën apo edhe për t’u kujdesur për fëmijët.

Lidhur me këtë zhvillim të fundit në botën e teknologjisë, Elon Musk ka pranuar se nuk do të ndërtonte kurë produkte AI nëse këto të fundit nuk mund të kryenin këto lloj funksione.

“Nëse nuk është kështu, unë do të preferoja të ndërtoja produkte (AI) jashtë Tesla”, nga të cilat ai aktualisht kontrollon rreth 13%, ose rreth 411 milionë nga 3.19 miliardë aksione të kompanisë.

Optimus, i zbuluar për herë të parë në vitin 2022, është pjesë e përpjekjeve të Musk për të formuar perceptimin publik për kompaninë si më shumë sesa thjesht një prodhues automjetesh elektrike. Miliarderi gjithashtu ka hapur veçmas një kompani të inteligjencës artificiale, duke e quajtur teknologjinë e re një nga kërcënimet më të mëdha për njerëzimin.