Një artikull i publikuar së fundmi në median britanike The Sun hedh dritë mbi arsyet pse shumë burra të martuar zgjedhin të tradhtojnë, edhe kur nuk janë të pakënaqur nga martesa e tyre

Gazetarja Mel Fallowfield, me qëllim investigimi, u regjistrua në një faqe takimesh të dedikuar për burra të martuar që kërkojnë lidhje jashtëmartesore. Sipas të dhënave të platformës, ajo numëron rreth 1.5 milion përdorues dhe përjeton rritje të ndjeshme të regjistrimeve, veçanërisht pas pushimeve verore, një periudhë që shpesh shoqërohet me tensione në çift.

Çfarë i bashkon burrat që tradhtojnë?

Gjatë disa takimeve të organizuara për këtë investigim, u vu re një element i përbashkët: shumica e burrave nuk dëshironin t’i jepnin fund martesës së tyre. Përkundrazi, ata shpreheshin se i donin dhe i vlerësonin bashkëshortet.

Megjithatë, arsyeja kryesore që i shtynte drejt tradhtisë ishte kërkimi për më shumë emocion, pasion dhe intimitet seksual, jashtë rutinës së përditshme martesore. Për shumë prej tyre, tradhtia shihej si një mënyrë për të “gjallëruar” jetën personale, pa prishur balancën familjare. Në disa raste, burrat shprehën interesa specifike seksuale ose e konsideronin lidhjen jashtëmartesore si diçka të ndarë nga jeta e tyre familjare, duke këmbëngulur se nuk donin të “trazonin” martesën.

A ekziston një profil tipik i burrit që tradhton?

Sipas vëzhgimeve, nuk ka një model të vetëm. Burrat vinin nga shtresa dhe mosha të ndryshme, disa me fëmijë, disa pa, me stile jetese të ndryshme. E vetmja pikë e përbashkët ishte përkushtimi i dukshëm ndaj grave të tyre, pavarësisht sjelljes kontradiktore.

Po ashtu, u vu re se shumë nga lidhjet jashtëmartesore zhvillohen mes personash që janë të dy të martuar, çka tregon se tradhtia nuk është një sjellje e kufizuar vetëm te burrat apo te një profil i caktuar njerëzish.