Shishet termike të cilat i përdorim për të mbajtur lëngje ose ujë, mund të përmbajnë plumb, sipas një hulumtimi të fundit. Disa video ku njerëzit testojnë këto gota nëse kanë plumb ose jo, janë bërë virale në rrjetet sociale, kryesisht në TikTok. Ka rezultuar se në bazën e këtyre kupave ka plumb të vendosur, veçanërisht në ato të markës Stanley. Sipas prodhuesit të Stanley, Pacific Market International, plumbi përdoret si pjesë e izolimit të vakumit dhe mbulohet nga një shtresë çeliku inox që mbron konsumatorët nga ekspozimi i plumbit.

“Procesi ynë i prodhimit aktualisht përdor përdorimin e një peleti standard të industrisë për të mbyllur izolimin me vakum në bazën e produkteve tona, materiali i vulosjes përfshin pak plumb. Pasi të mbyllet, kjo zonë mbulohet me një shtresë të qëndrueshme çeliku inox, duke e bërë atë të paarritshme për konsumatorët”, deklaroi një zëdhënës i Stanley.

Ndër të tjera ai ka theksuar se konsumatorët janë të mbrojtur.

“Të jeni të sigurt se nuk ka plumb në sipërfaqen e ndonjë produkti Stanley që bie në kontakt me konsumatorin dhe as përmbajtjen e produktit”, thuhet në deklaratë.

Por njerëzit në rrjetet sociale janë nervozë, duke marrë parasysh rreziqet e çdo ekspozimi ndaj plumbit. Metali toksik mund të çojë në probleme me veshkat, anemi, probleme riprodhuese dhe probleme zhvillimi, sipas Qendrave të SHBA për Kontrollin dhe Parandalimin e Sëmundjeve dhe këto shishe janë kudo.