LEGO dhe Crocs kanë befasuar fansat me një bashkëpunim të ri dhe jashtëzakonisht të pazakontë, duke debutuar “Lego Brick Clogs” në Paris Fashion Week të mërkurën. Këpucët e reja, të formuara si tulla Lego, nuk janë të dizajnuara për përdorim të përditshëm, por më shumë si një artikull koleksionues që do të tërheqë vëmendjen dhe do të ndezë biseda.

Reperi Tommy Cash prezantoi këpucët në pistë, duke i dhënë kështu një pamje të guximshme dhe imagjinative këtij bashkëpunimi. Lego dhe Crocs kanë paralajmëruar se ky është vetëm fillimi i një partneriteti shumëvjeçar, me koleksione të ardhshme për fëmijë dhe të rritur.

“Lego dhe Crocs ndajnë të njëjtin shpirt të veçantë dhe kreativ,” tha Carly Gomez, Drejtuese e Marketingut në Crocs. “Ne kemi thyer çdo kufi në një mënyrë që kurrë më parë nuk e kemi bërë.”

Fansat reaguan menjëherë në rrjetet sociale, duke e përshkruar lajmin si “gallatë” dhe duke parashikuar se këpucët do të bëhen subjekt memesh. Sipas Jay’s Brick Blog, shumë lexues e menduan njoftimin fillimisht si një shaka, por më pas kuptuan se ishte i vërtetë.

Crocs është e njohur për bashkëpunime të pazakonta me marka të ndryshme, nga General Mills dhe 7/11, deri tek Balenciaga, dhe tani po synon të rikthejë rritjen e shitjeve me këtë ofertë premium që tejkalon çmimin mesatar të $70 të koleksioneve të mëparshme.

Anne Mehlman, presidentja e markës Crocs, theksoi se bazat e konsumatorëve të LEGO dhe Crocs janë shumë të ngjashme, duke përfshirë të rritur dhe fëmijë të apasionuar pas koleksioneve të tyre.

Mashable Tech Editor, Timothy Beck Werth, e përshkroi bashkëpunimin si “duhet parë për t’u besuar” dhe e quajti këtë bashkëpunim “të preferuarin e tij deri më tani.”