Gazetarja Jill Dando mund të jetë ekzekutuar nga një vrasës i shërbimeve sekrete serbe, këto janë dyshimet e një hetimi të fundit.  Një investigim i fundit nga Mirror ka hedhur dyshimet lidhur me vrasësin famëkeq, pasi ekspertja Emi Polito zbuloi një ngjashmëri të madhe mes ‘Njeriut X’ dhe Milorad Ulemek, i cili aktualisht po vuan dënimin 40-vjeçar në Serbi.

Personi i paidentifikuar u kap nga pamjet filmike në CCTV teksa arratisej, pas vrasjes së prezantueses në vitet 1999. Asokohe, hetimet zbuluan se vrasja ishte kryer mjaft profesionale, të kryer nga vrasës me pagesë.  Kur u ekzekutua Jill, i dënuari në Serbi, drejtonte një grup vrasësish që punonin për diktatorin Slobodan Millosheviç.

Jill u qëllua me një plumb në kokë, ndërsa ajo shkoi të hapte derën, disa sekonda pasi kishte zbritur nga automjeti i saj. Sulmi kishte shenjat dalluese të një operacioni ushtarak të pamëshirshëm dhe të mirëmenduar. U përdorën municion të bërë me porosi, të cilat ekspertët nuk i kishin parë më parë në MB. Jill u kap nga pas dhe u rrëzua me forcë, kështu që koka e saj ishte pothuajse në tokë nga vrasësi që e kishte vënë në pritë. Jill humbi jetën në mënyrë tragjike në çast. Në kohën e vrasjes së Jill-it, konflikti në Jugosllavi ishte intensiv me forcat britanike që morën pjesë në sulmet ajrore të udhëhequra nga NATO kundër Serbisë.  Asokohe, prezantuesja apelonte krimet në emër të refugjatëve kosovarë që vuanin nën regjimin e Millosheviqit. Pas vrasjes së saj, dyshohej se prezantuesja u ekzekutua në shenjë hakmarrje për bombardimet e NATO-s.  Nga hetimet e deri më tanishme, vihet re se vrasësi ka një ngjashmëri të madhe me Ulmek, ku shihet teksa hipën në një autobus për në Londrën Jugperëndimore, vetëm pak çaste pasi Jill u qëllua për vdekje jashtë shtëpisë së saj.

Ulmek ndodhet në burgun e sigurisë së lartë në Zabela, Serbi, pranë qytetit lindor të Prozarevacit. Ulemek u dënua për komplot për vrasjet e ish-presidentit të Serbisë Ivan Stambolic në vitin 2000 dhe kryeministrit të parë të zgjedhur në mënyrë demokratike të vendit, Zoran Gjinxhiç në 2003. Ish-shefi i bandës ia doli të mësojë anglisht ndërsa jetonte në Londër kur ishte i ri. Ai është ushtari më famëkeq i Serbisë dhe grupet e të drejtave të njeriut thonë se njësitë e tij ishin përgjegjëse për disa nga mizoritë më të këqija në luftërat jugosllave të viteve ’90.

Më shumë i njohur me pseudonimin e tij, Legjionar, ai gjithashtu e quan veten Lukoviç, një emër që e mori nga ish-gruaja e tij.