Gjigandi i teknologjisë Apple ka regjistruar rënien më të madhe të shitjes së celularëve iPhone, që nga muajt e parë të pandemisë COVID-19. Shitjet për periudhën janar-mars u ulën me 10%, rënie që nuk është parë që kur modeli i iPhone 2020 u vonua për shkak të mbylljes së fabrikës.

Në përgjithësi, Apple fitoi 90.8 miliardë dollarë (72.4 miliardë £) në tremujorin e fundit, 4% më pak se një vit më parë. Ishte tre mujori i pestë radhazi që të ardhurat e kompanisë u ulën nga një vit më parë. Fitimi i Apple në tremujorin e kaluar ishte 23.64 miliardë dollarë (18.85 miliardë £), një rënie prej 2% nga një vit më parë. Së fundmi, shefi ekzekutiv i Apple, Tim Cook ka diskutuar se si kompania mund të përdorë inteligjencën artificiale (AI). Ndërsa rivali Samsung prezantoi telefona që mund të shfaqin inteligjencën artificiale, duke përfshirë chatbots gjenerues të AI, Apple ende nuk ka njoftuar se si do të futet në iPhone-ët e saj. iPhone i ardhshëm pritet të ketë mikroçipe të AI dhe ekrane më të mëdha.

Apple do të zbulojë softuerin më të ri kur të mbajë konferencën e saj vjetore të zhvilluesve në qershor. Inteligjenca artificiale gjeneruese mund t’i fuqizojë telefonat të shkruajnë kode softuerësh, ese ose të krijojnë imazhe bazuar në një kërkesë nga përdoruesit.