Këngëtari 25-vjeçar Nemo i cili përfaqësoi Zvicrën, është fituesi i Eurovisionit këtë vit mes 25 hyrjeve që u kualifikuan në finale.
Menjëherë këngëtari festoi fitoren në skenë, dukshëm i prekur. Mirëpo, në atë moment trofeu i ra në parket dhe u thye.
“Kam arritur sukses dhe kam thyer kodin (Kodin, si kënga e tij) duke valëvitur flamurin tim jo-binar në event, ndërkohë që Eurovisioni më kishte ndaluar ta bëja këtë. Gjithashtu, kam thyer trofeun, por kjo mund të riparohet. Ndoshta edhe Eurovisioni ka nevojë për riparime herë pas here”, është shprehur ai.
Me këngën e tij “The Code”, Nemo përshkruan rrugëtimin e tij të identitetit gjinor.

“Kodi” ka të bëjë me udhëtimin që kam nisur me të kuptuarit se nuk jam as mashkull, as femër. Gjetja e vetes ka qenë një proces i gjatë dhe shpesh i vështirë për mua. Por asgjë nuk më bën të ndihem më mirë sesa liria që fitova duke kuptuar se nuk jam binar”, tregon Nemo.