Krissy Cela – Albanian International “Trend Ambassador”
“Albanian International Trend Awards” vjen në Londër më 16 qershor 2024 me prezantimin e bizneseve dhe personazheve me te shquara shqiptare ne te gjithe botën.
LONDËR, 16 Qershor 2024 – Në një mbrëmje plot shkëlqim na pret me emocion, “Albanian International Trend Awards” (AITA) do të zhvillohet në Londër më 16 qershor 2024. Ky event do të mbledhë bizneset dhe sipërmarrësit , aktivistet , shqiptarë nga e gjithë bota për të festuar arritjet dhe për të nderuar ata që kanë treguar një nivel të lartë të kontributit ne fusha te ndryshme te jetes.
“Çmimet e Ekselencës” do t’u dhurohen kompaniveose personazheve shqiptare që kanë spikatur me performancën e tyre të jashtëzakonshme. Kjo ngjarje do të shërbejë si një platformë e shkëlqyer për të vlerësuar dhe promovuar suksesin e sipërmarrësve shqiptarë në skenën globale.
Krissy Cela – Profil
Kristiana Çela, e njohur gjerësisht si Krissy Cela, është një emër që spikat në listën e sipërmarrësve më të suksesshëm nën moshën 30 vjeç në Evropë, sipas revistës Forbes. Kjo shqiptare 27-vjeçare, e cila përjetoi sfida të shumta kur emigroi në Britaninë e Madhe me familjen e saj, sot është një ndër individët më të shquar në fushën e saj.
Fillimisht, pasioni i Krissy për palestrën ishte thjesht një hobi. Mirëpo, ajo shpejt e transformoi këtë interes në një biznes të fuqishëm, duke ndërtuar një komunitet të madh ndjekësish në rrjetet sociale. Aktualisht, ajo ka mbi 3 milionë ndjekës në Instagram dhe mbi 100,000 abonentë aktivë në aplikacionin e saj “EvolveYou”, i cili synon të ofrojë dieta dhe programe të personalizuara për gratë.
Krissy, së bashku me Jack Bullimore, themeluan aplikacionin “EvolveYou” në vitin 2017. Ky aplikacion, i cili fokusohet në fitnes dhe ushqim për gratë, është një sukses i vërtetë dhe ka kontribuar ndjeshëm në rritjen e të ardhurave të saj. Krahas aplikacionit, Krissy ka lançuar edhe një linjë veshjesh sportive, “Cela Oner Active”, e cila ka fituar një popullaritet të madh.
Suksesi i Krissy Cela nuk është vetëm në ndjekësit dhe abonentët e saj, por edhe në të ardhurat e gjeneruara nga bizneset e saj, të cilat tejkalojnë 34 milionë dollarë në vit. Duke filluar nga postimi i ushtrimeve online deri tek krijimi i një perandorie të fitnesit dhe modës sportive, Krissy është një shembull frymëzues i asaj çfarë mund të arrihet me përkushtim dhe pasion.
Duke pasur parasysh arritjet e saj, është e qartë se Krissy Cela është një figurë inspiruese jo vetëm për shqiptarët, por për të gjithë të rinjtë në mbarë botën që ndjekin ëndrrat e tyre dhe i shndërrojnë ato në realitet.
