Rema Duli – Albanian International Trend Awards
“Albanian International Trend Awards” vjen në Londër më 16 qershor 2024 me prezantimin e bizneseve dhe personazheve me te shquara shqiptare ne te gjithe botën.
LONDËR, 16 Qershor 2024 – Në një mbrëmje plot shkëlqim na pret me emocion, “Albanian International Trend Awards” (AITA) do të zhvillohet në Londër më 16 qershor 2024. Ky event do të mbledhë bizneset dhe sipërmarrësit , aktivistet , qendra bamiersie , shqiptarë nga e gjithë bota për të festuar arritjet dhe për të nderuar ata që kanë treguar një nivel të lartë të kontributit ne fusha te ndryshme te jetes.
“Çmimet e Ekselencës” do t’u dhurohen kompanive dhe personazheve shqiptare që kanë spikatur me performancën e tyre të jashtëzakonshme. Kjo ngjarje do të shërbejë si një platformë e shkëlqyer për të vlerësuar dhe promovuar suksesin e sipërmarrësve shqiptarë në skenën globale, nje nder ata eshte dhe:
Rema Duli: Një Inspirim për Komunitetin Shqiptar dhe Përtej
Rema Duli është një emër që shquhet jo vetëm në komunitetin shqiptar në Britani, por edhe në skenën ndërkombëtare për angazhimin dhe përkushtimin e saj të jashtëzakonshëm ndaj kauzave humanitare dhe filantropike. E lindur në Kosovë dhe e detyruar të largohet nga atdheu për shkak të represionit serb, Rema ka ndërtuar një karrierë dhe jetë të mbushur me arritje të mëdha dhe ndikim të thellë në shoqëri.
Pasi arriti në Londër në vitin 1992 si studente e mjekësisë e dëbuar nga forcat serbe, Rema u përball me sfida të mëdha. Megjithatë, ajo nuk u dorëzua. Në vitin 1999, ajo diplomoi në Queen Mary’s University of London me një BSc në kiminë farmaceutike, duke shënuar fillimin e një karriere të suksesshme dhe të përkushtuar.
Përkushtimi i saj ndaj ndihmës për të tjerët u bë i dukshëm që në fillim, kur në të njëjtin vit u angazhua me Refugee Council në projektin “Kosova Project,” duke ndihmuar familjet e evakuuara nga kampet në Maqedoninë e Veriut. Ky angazhim i hershëm në ndihmë të refugjatëve ishte vetëm fillimi i një karriere të mbushur me filantropi dhe angazhim social.
Në vitin 2010, Rema filloi të punojë për British Albanian Kosovar Council si udhëheqëse e komunitetit. Një vit më pas, ajo krijoi organizatën “Kosovar Albanian Youth Against Violence” (KAYAV) për të kundërshtuar presionin negativ ndaj emigrantëve shqiptarë në Britani. KAYAV u bë një platformë e fuqishme për promovimin e vlerave pozitive shqiptare dhe për nxitjen e paqes dhe dashurisë ndër komunitete, gjenerata dhe gjini.
Nën drejtimin e Remës, KAYAV organizoi fushata të ndryshme për parandalimin e dhunës, luftën kundër ngacmimeve në shkolla, shëndetin mendor dhe të drejtat e azilkërkuesve në Britani. Përpjekjet e saj në fushën e filantropisë u njohën gjerësisht, duke e renditur atë ndër 100 shqiptarët më të suksesshëm në Britani në vitin 2012 dhe duke e përfshirë në librin “Successful Mothers” dhe publikimin “Ajo” nga UN Women in Kosova në vitet 2018 dhe 2019.
Rema ka krijuar gjithashtu një organizatë në Kosovë, “Blloqet e Ndërtimit për Sukses,” e cila punon për fuqizimin e edukimit në shkollat e Kosovës. Puna e saj e palodhur dhe përkushtimi ndaj komunitetit janë vlerësuar me shumë çmime dhe mirënjohje, përfshirë “Unsung Hero Award” nga Lord Mayor of Westminster në vitin 2022 dhe “Coronation Champion Award 2023” nga Mbreti Charles III dhe Mbretëresha Camilla.
Në vitin 2023, Sir Kenneth Olisa OBE, HM Lord-Lieutenant of Greater London, gjithashtu i ndau mirënjohje për arritjet e punës filantropike të KAYAV. Përveç aktiviteteve të saj filantropike, Rema është vice chair e London Refuge Advocacy Forum e facilituar nga Refuge Council në Londër që nga viti 2021 dhe drejton një projekt të rëndësishëm “recovery and well-being” me 300 klientë në Tower Hamlets.
Si nënë e dy djemve të rritur, njëri i diplomuar në sport coaching dhe health fitness nga Brunel University dhe tjetri student i vitit të dytë në Cambridge University për matematikë, Rema balancohet midis përgjegjësive familjare dhe profesionale. Ajo po ashtu studion për një master në shëndet publik dhe pritet të përfundojë këtë vit.
Rema Duli është një shembull i gjallë i përkushtimit dhe suksesit, një grua që ka kapërcyer sfida të mëdha dhe ka dhënë kontribute të rëndësishme në përmirësimin e jetës së të tjerëve. Ajo është një inspirim për të gjithë ata që e njohin dhe një model i vërtetë i forcës dhe vendosmërisë.