Fabio Maria Damato nuk do të jetë më krahu i djathtë i Chiara Ferragni, pasi ka ndërprerë kontratën si menaxher i përgjithshëm.

“Duke filluar nga 16 qershori 2024, Fabio Maria Damato nuk do të jetë më menaxher i përgjithshëm dhe këshilltar i dy kompanive. Ndryshimi është pjesë e një procesi të rinovimit të korporatës”, njoftojnë përfaqësuesit e Damatos.

Damato ishte krahu i djathtë i sipërmarrëses për shumë vite, si në raste pune, ashtu edhe në shumë momente private të jetës. Por prej dhjetorit të kaluar, dyshja nuk shihej më bashkë në rrjetet sociale. Ai dhe Chiara Ferragni kanë punuar së bashku për më shumë se gjashtë vjet. Damato ka një formim profesional në fushat e gazetarisë së modës.