Bujar Kapexhiu ka bërë një deklaratë seksite pasi në një intervistë për ‘Top Albania Radio’,deklaroi se gratë nuk kanë aftësi të krijojnë humor, duke e cilësuar këtë aftësi si një privilegj të mençurve, të cilët, sipas tij, janë vetëm meshkuj.

“Këtu e kam absolute, vetëm mund të jetë ndonjë përjashtim i jashtëzakonshëm në botë, femër që shkruan humor nuk ka, sepse humori është privilegj i të mençurve. (Ooo kjo ishte e rëndë, të qeshura mes moderatorëve). A e dini që ka shumë barcaleta për femrat, i sajojnë meshkujt, e dini që ka shumë barcaleta për meshkujt, i sajojnë po meshkuj, se femrat nuk kanë kapacitet për ta bërë këtë”, u shpreh Kapexhiu.