Kate sot bëri daljen e saj të parë publike pas diagnostikimit disa muaj më parë me kancer, duke theksuar se trajtimi që po ndjek gjatë muajve të fundit po ecën mirë, por hera herës ka dhe të papritura.
Kuptohet që pjesëmarrja e Kate në këtë ngjarje nuk duhet të merret si një rikthim në detyrat e plota publike.
” Në ato ditë të këqija ndihesh e dobët, e lodhur dhe duhet të pushosh. Në ditët që ndihem mjaft mirë, angazhohem, kaloj kohë me gjërat që më japin energji pozitive.

Shpresoj të bashkohem me disa angazhime publike gjatë verës. Po mësoj se si të jem e durueshme, veçanërisht me pasigurinë. Duke marrë çdo ditë ashtu siç vjen, duke dëgjuar trupin tim dhe duke i lejuar vetes të marr këtë kohë shumë të nevojshme për t’u shëruar”, tha Kate në deklaratën e saj.