Këngëtarja e muzikës popullore Maya Aliçkaj flet për procesin e divorcit me babanë e djalit të saj. Ky nuk ka qenë një divorc i zakonshëm, pasi materiale nga debati mes tyre u bënë publike dhe çështja mori një bujë të madhe. G

E ftuar në Living Room, Maya është pyetur se si po shkon divorci. Këngëtarja u shpreh se asgjë nuk po shkon mirë.

“Nuk shkon asgjë mirë! Unë po mundohem t’i ruaj energjitë e mia për vete, për djalin dhe për punën. Po bëj më të mirën e mundshme për të marrë sa më pak energji negative. Ndonëse u përfol dhe u hodh aq shumë baltë mbi figurën time nga televizionet duke bërë manipulime dhe shpifje. Por floriri nuk bëhet pis sepse është flori. Po flas në përgjithësi, sepse do vijë një moment që do flas shumë në veçanti, por ai moment nuk ka ardhur akoma. Dikush si person privat mund të shkojë dhe të dërdëllisë aty, por nuk mund të nxjerrin gjëra të pathëna nga unë dhe pa dalë unë kurrë me një deklaratë. Unë i dhashë botës së artit dhe televizioneve diçka. Dhe ti po më përdor, pa u shprehur unë kurrë dhe pa e ditur ti kurrë të vërtetën. Ky ishte një zhgënjim përsa i përket mediave që e kanë përdorur këtë moment. Më lëndove mua, lëndove fëmijën, shumë keq.“, tha ajo.