Kivi është një ndër frutat që ju ofron shumë përfitime saherë e konsumoni. Kivi përmban shumë vitaminë C dhe ndihmon në largimin e radikaleve të lira (molekula të paqëndrueshme të prodhuara nga trupi gjatë metabolizmit), duke ndihmuar në parandalimin e kancerit.

Kivi po ashtu është burim i shkëlqyeshëm i kaliumit, fibrave, vitaminave A dhe E.

Ngrënia e kivit po ashtu mund të zvogëlojë dëmtimin e ADN-së me afërsisht 60 përqind. Vitamina C që gjendet në kivi, është gjithashtu e mirë për prodhimin e kolagjenit, i cili rrit elasticitetin e lëkurës dhe redukton rrudhat. Ne gjithashtu e dimë se vitamina C rrit imunitetin kundër patogjenëve të dëmshëm. Pas moshës 30 vjeçare, trupi ynë ndalon së prodhuari kolagjen, kështu që ky frut mund të ndihmojë në plotësimin e tij.

Përveç antioksidantëve, kivi gjithashtu thuhet se ndihmon në çlirimin e serotoninës.