Sean “Diddy” Combs dyshohet se spërkati një grua me lubrifikant të përzier me drogën për përdhunim Rohypnol, përpara se ta sulmonte brutalisht bashkë me truprojën dhe një mik tjetër, sipas avokates së paditëses.

Viktima, e cila mbetet anonime, dyshohet se u detyrua të zhvishej kur Combs e kërcënoi me një thikë, tha avokatja Ariel Mitchell-Kidd.

Pas kësaj, sipas avokates, muzikanti i njohur e spërkati “gjithë trupin” e gruas me një lloj lubrifikanti ose vaji, dhe më pas ajo filloi të ndjente veten gjithnjë e më të dobët, duke humbur kontrollin e trupit të saj.

Viktima nuk e kujton të ketë konsumuar ndonjë drogë, por vajrat mund të shërbejnë si bartës për drogën Rohypnol ose GHB – droga e njohur si “droga për përdhunim”, pretendoi Mitchell-Kidd.

“Për të bërë që kjo drogë të absorbohet përmes lëkurës, nevojitet një bartës, dhe zakonisht ky është vaji,” sqaroi avokatja.

“Kështu që, mendoj se droga ishte përzier me vajin, prandaj ai e spërkati me të përpara, jo vetëm për ta bërë më të lehtë sulmin, por edhe për t’i ulur mbrojtjet e saj.”

Pasi e spërkati me këtë lëng misterioz, Combs dhe truprojat e tij thuhet se përdhunuan viktimën, sipas paditëses.

Mitchell-Kidd tha se planifikon të paraqesë padinë në emër të klientes së saj brenda kësaj jave.

“Detajet janë tronditëse, dhe ankesa përfshin të gjitha hollësitë… Ajo arriti më në fund të largohej pas këtij sulmi brutal,” i tha ajo NewsNation lidhur me ngjarjen e pretenduar.

Combs, 54 vjeç, ndodhet në burg që nga 16 shtatori, kur u arrestua në New York për akuzat e trafikimit seksual me dhunë, organizim kriminal dhe transportim për qëllime prostitucioni.

Javën e kaluar, më shumë se 120 viktima njoftuan planet për të ngritur padi kundër themeluesit të Bad Boy Records për abuzim dhe shfrytëzim të dyshuar seksual – duke përfshirë një 9-vjeçar.