Reperi Bardhi së fundmi ka qenë në qendër të vëmendjes, pasi publikoi këngën Qikes teme, e cila ngjalli dhe reagim të shumtë në publik. Bardhi në këngë përcillte një mesazh të fortë dhe emocionues, teksa shprehte vështirësitë financiare ndërsa partnerja e tij, Sara Gjordeni, është në pritje të ëmbël.

“Kur e kam shkruar këngën, nuk kam qenë duke punuar. Na shohin si artistë, mendojnë që jemi milionerë. Unë si kryefamiljar e kam ndjerë dhimbjen se pse nuk kam mundur t’i siguroj asgjë familjes.

Qikes teme nuk është thjesht një këngë, është një histori personale që reflekton përvojat e përditshme të shumë artistëve që ndihen të anashkaluar në një industri që shpesh i sheh ata si të suksesshëm dhe të pasur.

Sara për mua është shoqe, familje, grua nuk ma ka lëshuar kurrë dorën. Mua më vjen keq kur e përziejnë gruan time në biznesin tim. Të gjitha këto komente e kanë bërë shumë të vështirë shtatzëninë për Sarën”, tregon Bardhi.