Monika Kryemadhi në një deklaratë për gazetarët sqaroi se çfarë hapash do të ndërmarrë pas arrestimit të Ilir Metës. Kryemadhi tha se prej 7 muajsh nuk ka komunikim me ish-bashkëshortin pasi ndodhen në proces divorci.

“Komunikimi im me Ilir Metën prej 7 muajsh është zero, me përjashtim të ditës kur më ka ardhur padia e divorcit. Nuk kam komunikim me të. Ai ka objektivat e veta. Masa e arrestit për Ilir Metën është masë që tenton për të zhvilluar më tej konfliktin familjar tonin. Për gjëra që dyshojnë tek unë, duan t’ia vendosin Ilir Metën por nuk ka lidhje.

Jo, edhe sikur dua unë ta vizitoj nuk pranon ai. Ka arrestim më të madh se sa ai shpirtëror. Nuk i uroj asnjërit nga ju konfliktin familjar që kam unë. Nuk është midis njerëzve që janë marrë me shkesi, por me interes. Jemi dashur shumë, kemi bërë shumë për njëri tjetrin, kemi ecur për dore për 33 vite.

Dëshira ime për të luftuar inceneratorëve, çoi në faturën e pagimit të një fature shumë të madhe, shkatërrimit të familjes”, tha Kryemadhi.