Serena Hila, e njohur si një ndër “Top Trend Business Influencers” në industrinë e Real Estate për vitin 2024, përfaqëson një model të rrallë të sipërmarrëses së re me një prani të fuqishme dhe ndikim të thellë në rrjetet sociale. E pozicionuar ndër më të mirët në fushën e saj, Serena shquhet për përkushtimin e saj të palëkundur, që e kalon rolin e thjeshtë të një agjenteje imobiliare dhe e bën një inspirim për të gjithë ata që e ndjekin.

Filozofia e Serenës është e ndërtuar mbi të menduarit “suksesshëm” – një qasje që shkon përtej biznesit, duke përfshirë një mendësi të hapur ndaj sfidave dhe një vizion të qartë për arritje në çdo aspekt të jetës. Si ideatore, ajo nuk mjaftohet vetëm me gjetjen e zgjidhjeve të zakonshme për klientët e saj, por gjithmonë kërkon të sjellë ide dhe përvoja të reja që i bëjnë marrëdhëniet e saj të biznesit unike dhe të paharrueshme. Prezenca e saj në mediat sociale nuk është thjesht një platformë për promovim, por një mjedis ku ajo ndan përvojën dhe vizionin e saj të suksesshëm, duke i frymëzuar të tjerët për të menduar më thellë mbi synimet e tyre dhe mënyrat për t’i arritur.

Ngjarja më e pritur e sipërmarrësve në Shqipëri, kategoria “Top Trend Business Influencers,” sjell nismën më të re të vlerësimit për personazhet e dalluar në biznes, sipërmarrje, art, muzikë, shkencë, shëndet dhe shumë fusha të tjera. Kjo ngjarje kulmore do të përmbyllet me finalen e madhe të “Awards Business Trend 2024”. Për herë të parë, një maratonë televizive do të prezantojë më të mirët, të renditur sipas ndikimit të tyre në mediat sociale. Ky event pritet të shndërrohet në momentin kyç të vitit për sipërmarrësit shqiptarë ne te gjithe boten.