La Repubblica/ Një studim i fundit ka arritur në përfundimin se fëmijët që konsumojnë më pak sheqer në një mijë ditët e para të jetës, janë më pak të rrezikuar për t’u prekur nga sëmundjet kronike si: diabeti dhe hipertensioni në moshë madhore. Kjo konfirmohet nga një studim i botuar në revistën Science, i kryer nga shkencëtarët nga Universiteti i Kalifornisë Jugore gjatë Luftës së Dytë Botërore. Deri në vitin 1953, shpjegojnë shkencëtarët, sasia e sheqerit e lejuar për qytetarët britanikë ishte e krahasueshme me kufijtë e përcaktuar aktualisht nga Organizata Botërore e Shëndetësisë për gratë shtatzëna dhe fëmijët e vegjël. Megjithatë, në fund të periudhës së kufizimit, konsumi i substancës pothuajse u dyfishua.

Ata që kishin kufizuar sheqerin gjatë mijë ditëve të para të jetës kishin një rrezik 35% për t’u prekur nga diabeti dhe hipertensioni. Edhe pse udhëzimet rekomandojnë prindërit që të mos ofrojnë ushqime me sheqer para moshës dy vjeçare, shumë fëmijë janë të ekspozuar ndaj kësaj substance si gjatë shtatzënisë ashtu edhe gjatë ushqyerjes me gji. Në veçanti, ekspertët kanë zbuluar se shumica e foshnjave dhe fëmijëve të vegjël konsumojnë ushqime dhe pije me sheqer gjatë ditës.

Si përfundim, theksojnë autorët, është e domosdoshme kufizimi i konsumit të sheqerit për të zvogëluar rrezikun e zhvillimit të sëmundjeve kronike.