Shtëpia më e famshme në Shqipëri, ajo e “Big Brother VIP Albania,” do të hapë dyert për banorët e saj më 21 dhjetor. Ky edicion pritet të sjellë surpriza të mëdha dhe ndryshime të rëndësishme, duke përfshirë pjesëmarrjen e njerëzve të zakonshëm krahas figurave të njohura publike.
Janë zbuluar tre emrat e parë të banorëve VIP që do jenë pjesë e formatit: aktorja dhe këngëtarja Rozana Radi, aktori Laert Vasili dhe këngëtari Marin. Këta personazhe të njohur të artit dhe muzikës shqiptare pritet të sjellin dinamizëm dhe emocione në shtëpi, sipas Vox News.

Në panelin e opinionistëve, Arbër Hajdari rikthehet për të katërtin vit radhazi. Ai do të shoqërohet nga Neda Balluku, një risi për këtë edicion.