Princi Harry dhe Dukesha e Sussex-it, Meghan kanë shpërndarë një foto të rrallë të fëmijëve të tyre në kartolinën e tyre të festave të fundvitit.

Në një foto të rastësishme familjare, Harry dhe Meghan hapin krahët për fëmijët e tyre teksa 5-vjeçari Princi Archie dhe Princesha Lilibet, 3 vjeç, vrapojnë drejt tyre. Krahas kësaj fotoje, në kartolinë shfaqen dhe 5 imazhe të tjera të Harry-t dhe Meghan-it.

“Në emër të Princit Harry dhe Meghan, Dukës dhe Dukeshës së Sussex-it, Archewell Productions dhe Fondacionit Archewell, ju urojmë një sezon të gëzuar pushimesh dhe një Vit të Ri të gëzuar”, thuhet në kartolinë.