Aktorja Egla Ceno dhe fituesja e Big Brother Vip 3, ka folur në Instagram për 2024-ën që për pak ditë mbyllet. Egla shkruan në Instgram se, nëse do duhet ta ribënte këtë vit, nuk do të ndryshonte asnjë presje.

“Jam mirënjohëse për 2024-ën time. Nëse do më duhej ta ribëja, nuk do ndryshoja asnjë presje. Jam e lumtur sepse tani kur thuhet Ceno flitet për një grua që nuk ka fëmijë dhe kjo në shoqërinë tonë dënohet, konsiderohet si defekt. Nuk është defekt por të paktën tani flitet dhe DUHET të flitet. Grua lind, nuk të bën mëmësia. Mëmësia është bekim, jo kusht i imponuar. Ti rëndosh një gruaje mungesën e mëmësisë është kriminale, primitive dhe ligësi.

Jam e lumtur sepse kur thuhet Ceno flitet për një grua që nuk e mbajti më brenda vetes peshën e ngacmimit verbal seksual për një vend pune; të paktën tani mund të flitet dhe DUHET të flitet. Gjithkush që bën diçka të tillë nuk mund dhe nuk duhet të flejë rehat.

Jam e lumtur sepse kur thuhet Ceno nuk thuhet kjo grua ka burrë filanin, ka qenë gruaja e fistekut; thuhet kjo grua nuk ka bërë kompromise për t’ia dalë.

Jam e lumtur sepse kur thuhet Ceno flitet për një grua që kujdeset për nënën e ve dhe kjo zakonisht në mentalitetin tonë është “detyrë burrash”, ja që nuk është kështu.

Kjo është llogjika ime në mbrojtje të gjinisë time. Kauzat nuk përqafohen me buzëkuq e xixa, edhe pse ato kanë lezetin e tyre. Gëzuar, mirënjohje”, shkruan Egla në Instagram.