Sëmundjeve CDC, kanë nxjerrë disa këshilla për mënyrën më të sigurt e përgatitjes së gjelit të detit. Para së gjithash, ju duhet të dini se ai nuk duhet të lahet ose të shpëlahet.Kjo mund të tingëllojë e çuditshme, por në këtë mënyrë ju mund të përhapni mikrobet dhe bakteret në të gjithë kuzhinën tuaj.

Dhe kjo praktikë gatimi mund t’ju sëmurë ju dhe familjen tuaj. Më poshtë ju njohim me disa nga këshillat më të vlefshme për sigurinë e mirqënies tuaj dhe të familjes. Një nga këshillat më të rëndësishme është të lani duart me sapun për 20 sekonda pas trajtimit të gjelit të detit.

Për të prerë gjelin duhet të përdorni një dërrasë të veçantë. Mos vendosni kurrë ushqime të tjera në një pjatë ose dërrasë që ka mbajtur gjelin e pagatuar.

Lani enët ku ka qëndruar mishi dhe enët e tjera që mund të jenë kontaminuar me ujë të nxehtë dhe detergjentin larës të enëve. Në vend që ta lini gjelin e detit të shkrijë në temperaturë dhome, këshillohet ta lini në një enë në frigorifer ose në një qese plastike që nuk lejon rrjedhjen të cilën duhet ta vendosni në një lavaman me ujë të ftohtë.

Ju gjithashtu mund të përdorni një mikrovalë, nëse hapësira e saj jua lejon.

Kur gjeli të jetë gati për t’u pjekur ai duhet të vendoset në një furrw të nxehur në 170 gradë Celsius ose më të lartë.

Për të qenë më të sigurtë ju mund të përdorni edhe një termometër ushqimi dhe sigurohuni që gjeli të arrijë nxehtësi të paktën 70 gradë edhe në pjesët e trasha si gjiri, kofshët dhe krahët.

Përpara se ta prisni lëreni gjelin të qëndrojë për rreth 20 minuta.