Dua Lipa dhe Callum Turner janë fejuar. Kështu shkruajnë mediat britanike, ndërsa zbulojnë se këngëtarja shqiptare ka marrë një propozim romantik gjatë Krishtlindjeve.

Çifti i cili ka mbi një vit që janë në lidhje, u fejuan në heshtje, pa bërë zhurmë mediatike dhe po planifikojnë të festojnë me miqtë dhe familjen e tyre natën e Vitit të Ri.

Në postimin e saj të fundit në instagram, Dua tregoi gjithashtu një unazë me një gur diamanti.

Një burim i tha The Sun:

“Dua dhe Callum janë shumë të dashuruar. Ata janë fejuar dhe nuk mund të jenë më shumë se kaq të lumtur.

Dua ka pasur një nga vitet më të mira të karrierës së saj në aspektin profesional dhe kjo është qershia mbi tortë.

Callum është një mbështetje kaq e fortë për Duan dhe ata janë një çift i mrekullueshëm. Familja dhe miqtë e tyre janë shumë të lumtur. Kanë qenë një Krishtlindje e mrekullueshme për ta”.