Agnes Keleti, e mbijetuara e Holokaustit dhe fituesja e shumë medaljeve olimpike, ka ndërruar jetë në moshën 103-vjeçare.

Agnes Keleti ndërroi jetë mëngjesin e kësaj të enjteje në Budapest, pasi u shtrua në spital me pneumoni në ditën e Krishtlindjes, njoftoi agjencia shtetërore hungareze e lajmeve.

Keleti ishte fituese e dhjetë medaljeve olimpike në gjimnastikë, përfshirë pesë medalje të arta, të cilat i fitoi për Hungarinë në Lojërat Olimpike të Helsinkit në vitin 1952 dhe në Melbourne në vitin 1956.E lindur në Budapest në vitin 1921, karriera e saj sportive u ndërpre fillimisht gjatë Luftës së Dytë Botërore dhe anulimit të Lojërave Olimpike të viteve 1940 dhe 1944.

Gjatë Holokaustit, Keleti mbijetoi duke marrë një identitet fals dhe duke punuar si shërbëtore. Nëna dhe motra e saj i mbijetuan luftës falë ndihmës së diplomatit suedez Raoul Wallenberg, ndërsa babai i saj dhe disa anëtarë të tjerë të familjes u vranë në kampin e përqendrimit në Auschwitz.