Elia Zaharia zbulon publikisht arsyen se pse ende në rrjetet e saj sociale mban mbiemrin Zogu, ndërsa ka kaluar rreth një vit nga sherri i bujshëm dhe divorci me Princin Leka.

Në një video në rrjetet sociale, Elia sqaroi se kishte të bënte me një problem teknik dhe aspak me dëshirën e saj për ta mbajtur këtë mbiemër.

“E mbaj akoma mbiemrin Zogu sepse nuk hiqet. Kam mbi dy vite që përpiqem, në më shumë se tre kompani shumë të njohura IT, ta ndryshoj dhe nuk funksionon. Nuk e di çfarë e bllokon. Është diçka teknike që edhe ekipet e Instagram dhe Facebook nuk po i japin drejtim.

Nuk ka të bëjë fare me dëshirën apo vullnetin tim. Madje, në çdo punë kam pasur gjithmonë vetëm mbiemrin Zaharia. Derisa të zgjidhet, le ta mendojnë si mbiemri i Geraldinës, vajzës sime, dhe kështu është më e lehtë”,-u shpreh Elia Zaharia.