Aktorja dhe moderatorja e dashur për publikun, Jonida Vokshi, ka zgjedhur të ndajë me ndjekësit një moment të veçantë nga hapat e parë në karrierën e saj.

Në një postim të fundit në rrjetet sociale, ajo ka publikuar një fotografi të vjetër nga kompeticioni “Miss Albania”, ku garonte krah aktores së njohur Niada Saliasi. Ky imazh risjell në vëmendje kohët kur të dyja, ende shumë të reja, provonin emocionet e skenës dhe konkurrimit.

Në foto, Jonida shfaqet me numrin 6, ndërsa Niada me numrin 10 – një detaj që ngjall nostalgji dhe tregon rrugëtimin e tyre të hershëm në botën e artit dhe televizionit, ku eleganca dhe natyraliteti ishin gjithçka.

Krahas fotos, Jonida ka shkruar me humor: “Sa të voglaaaa”, duke reflektuar mbi ndryshimet që kanë sjellë vitet, por edhe mbi lidhjet e forta që mbeten nga fillimet e karrierës.