Një deklaratë e bërë mbrëmë nga Ben Blushi në podcastin “Mirëmbrëma Yje” të Arbana Osmanit ka shkaktuar reagime të shumta në rrjet. Gjatë bisedës, shkrimtari dhe figura e njohur e medias komentoi çështje fetare dhe sociale, duke dhënë opinione që disa i konsideruan provokuese.

Blushi u shpreh:
“Nuk e kuptoj pse njerëzit që falen gjithë ditën, dhe më akuzojnë mua që jam ateist, flasin në emër të Zotit, në emër të profetit dhe nga goja e tyre çfarë nuk del. Sipas meje, mysliman është një njeri që pranon normat e një shoqërie civile. Një person që është katolik, ateist, nuk të dhunon që të besosh si ai, nuk dhunon gruan e tij, gocat e veta që të mbulohen. Islamikët nuk mbajnë fotografi familjare, është normë. Kur janë te sheshi, kthejnë kurrizin Skënderbeut, sepse e quajnë armik të islamit.”

Deklarata e tij u përhap shpejt në rrjetet sociale, ku përdoruesit shprehën opinione të ndryshme, nga mbështetje për komentet personale të Blushit, deri te kritika për përgjithësime ndaj komuniteteve fetare.