Nga binjakët Olsen te dukjet më të fundit të street style, palltoja me print kafshësh është padyshim aksesori që do të dominojë sezonin vjeshtë/dimër 2026.

Që nga kohërat e lashta besohej që veshja e lëkurës së një kafshe të caktuar do t’i jepte një personi virtytet e lidhura me atë figurë. Në rastin e specieve ekzotike jashtëzakonisht të rralla, ajo madje u bë një simbol statusi.

Luanët dhe tigrat kanë luajtur një rol të madh në histori, por vetëm në fillim të shekullit të 20-të printi i leopardit doli në modë, kur Marchesa Casati ecte nëpër Venecia me një pelerinë leopardi bashke dy gepardë me zinxhir, si këlyshë qenushësh, gardëroba e saj frymëzoi koleksionin e vitit 1998 të John Galliano për Dior. Revolucioni i madh i këtij stili erdhi me Christian Dior, kur në vitin 1947 ai e transformoi gëzofin në një print për të krijuar një koleksion simpatik të modës së lartë.

Koleksioni i Dior 1998

Palltoja e parë leopard u bë ikonike në vitet 1960 falë Edie Sedgwick, musa e Andy Warhol. Në film, Sienna Miller e riktheu këtë simbol boho-chic në “Factory Girl” (2006). Në ditët e sotme, yjet si Kate Moss, Gwyneth Paltrow dhe binjakët Olsen e veshin rregullisht, ndërsa Christina Aguilera e solli përsëri në skenë gjatë performancës së saj në Voltaire, Las Vegas një homazh për Marchesa Casati-n.

Si ta vishni këtë trend

Midi ose palltoja e gjatë me print kafshësh sjell një nuancë eksotike të viteve 1950. Kombinojeni me nuanca të zeza ose karamel për një pamje të sofistikuar, ose me xhinse për një stil casual më modern. Ky është trendi që mund të shndërrojë çdo look të zakonshëm në një veshje guximtare, duke lënë hapësirë për stilin tuaj personal.

Disa nga yjet dhe kombinimet në pasarelë që mund tiu frymëzojnë për veshjen tuaj të rradhës: