Mosha.

Me kalimin e viteve, trupi humbet masë muskulore dhe fiton yndyrë, duke ulur metabolizmin bazal kaloritë që digjen në pushim. Tek personat mbi 70 vjeç, ky metabolizëm mund të jetë deri në 25% më i ulët se tek të rinjtë.

Gjenetika. Disa gene ndikojnë në ndjenjën e urisë, ngopjes dhe mënyrën si trupi përdor energjinë, duke e bërë më të lehtë ose më të vështirë shtimin apo humbjen e peshës.

Seksi

Femrat zakonisht kanë përqindje më të lartë yndyre dhe më pak muskuj sesa meshkujt, gjë që ul kaloritë që digjen në pushim deri në 10% më pak për të njëjtën gjatësi trupore.

Pesha fillestare.

Personat me më shumë kilogramë për të humbur shpesh dobësohen më shpejt në fillim, sepse krijojnë një deficit kalorik më të madh. Megjithatë, ritmi ngadalësohet sa më shumë afrohet pesha objektiv.

Cilësia e ushqimit.

Dietat e bazuara në ushqime të plota fruta, perime, drithëra të plota, bishtajore dhe proteina të dobëta ndihmojnë më shumë se ushqimet e përpunuara.

Faktorë të tjerë.

Gjumi i dobët, stresi, hormonet dhe mikrobioma e zorrëve ndikojnë si në oreks ashtu edhe në mënyrën si trupi djeg ose ruan kaloritë.

Cila është dieta më e mirë?

Nuk ekziston një dietë universale për të gjithë. Metoda më efektive është ajo që krijon zakone afatgjata të shëndetshme pa masa drastike. Dietat e shpejta shpesh nuk janë të qëndrueshme dhe mund të dëmtojnë shëndetin.

Gjithashtu, pesha trupore nuk bie në mënyrë lineare. Ajo mund të ndryshojë nga dita në ditë për shkak të ujit, masës muskulore ose faktorëve të tjerë.

Ritmi i sigurt i dobësimit

Specialistët rekomandojnë humbjen e rreth 0.5–1 kilogram në javë. Ky ritëm rrit gjasat që kilogramët e humbur të jenë kryesisht yndyrë dhe që pesha të mos rikthehet.

Edhe një humbje modeste prej 5–10% e peshës trupore mund të përmirësojë ndjeshëm shëndetin, duke ulur tensionin e gjakut, kolesterolin dhe nivelin e sheqerit.

Rreziqet e dietave shumë të rrepta

Dietat shumë të ulëta në kalori (600–700 kalori në ditë) përdoren vetëm nën mbikëqyrje mjekësore dhe për periudha të shkurtra. Ato mund të shkaktojnë:

lodhje

kapsllëk ose diarre

mungesa ushqyese

të përziera

gurë në tëmth

rrezik për çrregullime të të ushqyerit

Kur trupi merr shumë pak energji, ai mund të ngadalësojë metabolizmin dhe të “ruajë” kaloritë, duke e bërë dobësimin edhe më të vështirë.