Fjolla Morina, pritet të vijë me një rrëfim të fortë dhe emocional në një intervistë me Meriton Mjekiqin, ku do të flasë hapur për periudhat më të vështira të jetës së saj. Në promon e publikuar së fundmi, artistja tregon se do të ndalet në disa prej momenteve më delikate që ka përjetuar ndër vite, duke përfshirë eksperiencën në burg, betejën me depresionin dhe sfidat personale që kanë ndikuar thellë në jetën e saj.

“Unë e kam pasur një fazë që e kam kaluar në një mënyrë më të rëndë, me disa gjëra jo të mira, ishte një depresion shumë i thellë”, shprehet Fjolla, duke lënë të kuptohet se intervista do të sjellë detaje të panjohura më parë për publikun.

Ajo thekson gjithashtu se, pavarësisht perceptimeve publike, nuk ka pasur kurrë dëshirë të jetë në qendër të skandaleve, duke i konsideruar ato si një periudhë të vështirë që e ka kaluar me shumë sakrifica.

“Kurrë nuk kam dashur të bëj skandale. Është një eksperiencë e keqe e imja të cilën unë e kam tejkaluar shumë rëndë”, shprehet këngëtarja.

Ngjarjet për të cilat ajo flet datojnë disa vite më parë, në një periudhë kur jeta e saj personale mori një kthesë të rëndësishme, përfshirë edhe martesën me biznesmenin nga Gjilani, Fisnik Syla. Përveç kësaj, Fjolla do të ndajë edhe përvojën e saj në “Big Brother VIP Kosova 4”, duke zbuluar më shumë rreth kësaj eksperience dhe mënyrës si e ka përjetuar atë.