Këtë pranverë, manikyri nuk është më thjesht për ngjyrën, gjithçka sillet rreth shkëlqimit, teksturës dhe efekteve që ndryshojnë sipas dritës. Nga xhelat transparentë, tek efektet shumëngjyrëshe që reflektojnë ndryshe në diell, trendet janë më lozonjare, por njëkohësisht elegante.

Sipas ekspertëve, ka një zhvendosje drejt stileve më personale dhe kreative, por pa humbur finesën: detaje të arta delikate, ngjyra të ngrohta dhe efekte që duken “të gjalla” mbi thonj.

Ja cilat janë trendet kryesore të pranverës 2026:

1. Efekti xhel me shkëlqim

Thonjtë me efekt transparent dhe super shkëlqyes janë kudo. Duken si një shtresë e lehtë ngjyre, shumë natyrale dhe të freskëta. Ngjyrat më trendy janë lejla e butë, rozë e zbehtë, por edhe korali dhe e kuqja e ngrohtë.

2. Pastel me efekt “sy maceje”

Ngjyrat pastel marrin një nivel tjetër me këtë efekt magnetik që krijon një pamje hipnotizuese. Sekreti? Një manikyr special dhe një magnet që formon reflektimin në thua.

3. Detaje të vogla (shumë të vogla!)

Zemra, yje, fjongo, fruta të vogla; këto mikrodetaje janë super në trend. Janë të lezetshme, por edhe delikate, duke i dhënë thonjve një prekje unike pa qenë të ekzagjeruara.

4. Ngjyra “qumështore”

Rozë e butë, nude dhe tone të ngrohta që duken si të turbullta dhe elegante. Janë baza perfekte për çdo stil dhe i japin thonjve një pamje të pastër dhe minimaliste.

5. Nuanca kumbulle dhe fruta pylli

Ngjyrat e errëta si kumbulla, vishnja apo tonet e thella të kuqe vazhdojnë të jenë shumë “in”. Janë perfekte për një look më serioz dhe shik.

6. Efekti shumëngjyrësh që ndryshon me dritën

Harro efektin klasik pasqyrë, tani kemi thonj që ndryshojnë ngjyrë sipas dritës. Rozë me refleks ari, tone perlash apo blu të ftohta me shkëlqim “sirene” janë zgjedhjet më të bukura.

7. Jeshile si top tenisi

Jeshilja është kudo, por nëse do diçka më të guximshme, zgjidh tonet lime ose pastel të fortë. Kombinimet me disa ngjyra në të njëjtin set thonjsh janë gjithashtu super trendy.

8. Detaje të arta

Për fanset e minimalizmit: një bazë nude me detaje të vogla ari është zgjedhja perfekte. E thjeshtë, por shumë elegante.

9. E kuqja e ndezur

E kuqja rikthehet, por këtë herë më e ngrohtë dhe më e fortë, si ngjyra e domates. Është më e guximshme dhe bie më shumë në sy se e kuqja klasike.