Këngëtarja e njohur shqiptare Soni Malaj, aktualisht pjesë e spektaklit Ferma VIP 3, ka ndarë detaje surprizuese nga jeta e saj personale gjatë një bisede me konkurrentet Fabjolën dhe Donën

Gjatë bisedës, artistja ka folur për vajzën e saj Anna dhe marrëdhënien me ish-bashkëshortin, balerinin dhe aktorin italian Mirko. Ajo tregoi se, pavarësisht ndarjes, ata vazhdojnë të ruajnë një raport korrekt për hir të vajzës së tyre.

Një nga deklaratat që tërhoqi më shumë vëmendje ishte fakti se ata jetojnë në të njëjtën shtëpi në Itali. Sipas Sonit, vila ku qëndrojnë është mjaft e madhe, çka bën që të ndodhen shpesh në të njëjtin ambient, edhe pse nuk janë më bashkë si çift.

Ky detaj habiti jo pak modelen Fabjola, e cila reagoi me surprizë ndaj situatës së pazakontë.