Një nga momentet më të bukura të jetës ka ardhur për aktoren e njohur Djellza Dema, e cila është bërë nënë për herë të parë.

Aktorja ka sjellë në jetë një djalë, ndërsa lajmin e lumtur e ka ndarë partneri i saj përmes një postimi në rrjetet sociale. Në fotografinë e publikuar, Djellza shfaqet në maternitet me të voglin në krahë, duke përjetuar emocionet e para si nënë.

Me rastin e ardhjes në jetë të vogëlushit, çifti ka zbuluar edhe emrin që kanë zgjedhur për të. Në mbishkrimin që shoqëronte foton shkruhej:

“Mirë se erdhe në këtë botë, Gjin Dushi. Të duam pafund.”

Me ardhjen e djalit të tyre, Djellza Dema dhe partneri i saj kanë nisur një kapitull të ri në jetën familjare. Ndërkohë, urimet dhe mesazhet e shumta nga miqtë dhe ndjekësit nuk kanë munguar për prindërit e rinj dhe vogëlushin Gjin.