Një deklaratë e Fabrizio Corona-s ka tronditur botën e showbiz-it italian dhe ka rikthyer në qendër të vëmendjes një nga misteret më të mëdha që ka rrethuar familjen Rodriguez.

Në episodin e fundit të “Falsissimo”, Corona ka hedhur një pretendim jashtëzakonisht të rëndë: Belén Rodriguez dhe Ignazio Moser, partneri i motrës së saj Cecilia, kanë pasur një marrëdhënie intime.

Sipas versionit të Corona-s, nuk bëhet fjalë thjesht për një flirt apo për një episod të parëndësishëm. Ai pretendon se Belén dhe Ignazio kanë shkuar bashkë, ndërsa Cecilia nuk kishte qenë në dijeni të asaj që kishte ndodhur.

Është pikërisht ky pretendim që e ka bërë historinë edhe më tronditëse, duke rikthyer në vëmendje krisjen e madhe që dikur ndau dy motrat Rodriguez.

Corona pretendon se historia daton në periudhën e pandemisë, kur Belén e ka telefonuar dhe i ka rëfyer detaje nga jeta e saj private.

Sipas rrëfimit të tij, mes showgirl-it dhe Ignazio Moser kishte ndodhur diçka që shpjegon edhe shumë prej pikëpyetjeve që kanë shoqëruar marrëdhënien mes Belén dhe Cecilia ndër vite.

Megjithatë, nuk ekziston asnjë konfirmim i pavarur për këtë histori. As Belén dhe as Ignazio nuk e kanë konfirmuar pretendimin e Corona-s, ndaj bëhet fjalë vetëm për versionin e tij.

Pas deklaratave të Corona-s, një tjetër detaj i së kaluarës së Belén ka marrë një tjetër kuptim.

Në vitin 2025, gjatë intervistës në “Belve”, Belén kishte pranuar se gjatë krizës me Cecilia-n kishte bërë një “marrëzi”. Ajo nuk dha asnjëherë detaje se çfarë kishte ndodhur, duke lënë gjithçka të mbështjellë me mister.