Nuk dihet se ku po udhëton Pamela Anderson, por një gjë është e sigurt: ajo do të jetë ndër personat më elegantë në avion. Aktorja u fotografua teksa po dilte nga një hotel në Nju-Jork, me valixhet në dorë dhe e veshur me një kombinim që duket sikur i përket klasit të parë.

Në vend të streçeve dhe atleteve, zgjedhja e zakonshme për udhëtime, Anderson zgjodhi një pamje shumë më elegante, që të kujton stilin e Grace Kelly-t: një shami luksoze në kokë, syze dielli, një çantë lëkure, këpucë të sheshta të tipit balerinë dhe valixhe.

Sigurisht, aksesorët tërësisht të bardhë nuk janë zgjedhja më praktike për aeroportin. Por duhet pranuar se duken jashtëzakonisht elegantë. Anderson i kombinoi valixhet, çantën dhe syzet e bardha me një pallto bezhë, shaminë në kokë, pantallona me këmbë të gjera dhe këpucë të sheshta.

Dhe pikërisht këtu qëndron sekreti i veshjes së saj: kombinimi i ngjyrave të afërta. Me vetëm dy ngjyra kryesore në të gjithë veshjen, bezhë dhe të bardhë, Pamela Anderson krijoi një pamje tepër të rafinuar dhe të kuruar për ditën e udhëtimit.

Pamja të kujton menjëherë elegancën e udhëtimeve të dikurshme, kur aeroporti nuk ishte thjesht një vend për të kaluar nga një avion në tjetrin, por edhe një tjetër mundësi për t’u veshur bukur.

Mbetet për t’u parë nëse Anderson po udhëton drejt Festivalit të Filmit në Venecia, i cili nisi dje. Për momentin, vetëm ajo e di destinacionin.