Ola po feston 24-vjetorin dhe një nga urimet më të veçanta ka ardhur pikërisht nga personi që i qëndron pranë në këtë kapitull të ri të jetës. Adioni ka zgjedhur Instagramin për t’i dedikuar disa fjalë romantike partneres së tij, duke publikuar një foto ku shfaqen së bashku dhe duke e shoqëruar me një mesazh plot dashuri.

“Urime ditëlindjen, gjëja më e mirë që më ka ndodhur në jetë. Të dua deri në frymëmarrjen time të fundit, princesha ime”, shkruan Adioni.

Historia e tyre e dashurisë nisi gjatë “Ferma VIP 3”, ku dyshja u afrua para syve të publikut. Por lidhja nuk mbeti vetëm brenda formatit televiziv. Pas përfundimit të aventurës në fermë, Ola dhe Adioni vendosën ta vazhdonin marrëdhënien edhe në jetën reale.

Madje, vetëm pak muaj më parë, çifti e zyrtarizoi edhe më tej lidhjen e tyre, duke u fejuar.

Kështu, 24-vjetori e gjen Olën pranë të fejuarit të saj, ndërsa historia që nisi mes kamerave duket se po shkruan kapituj të rinj edhe jashtë ekranit.

Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.