SIBB Hotel u hap zyrtarisht në vitin 2023 me një projekt familjar ,vizion për të rikthyer vlerat e mikpritjes, komoditetit dhe atmosferës së ngrohtë. Vetë emri “Simply Ideal Beautiful Bliss” reflekton përkushtimin e stafit për të ofruar jo vetëm një akomodim, por një përvojë të veçantë: një kombinim i elegancës, rehatisë dhe ndjesisë “si në shtëpi”.

Hoteli ofron dhoma me madhësi dhe stile të ndryshme për të plotësuar nevojat e udhëtarëve të vetëm, çiftëve, familjeve apo grupeve. Nga Standard Double Room, deri te Deluxe King Suite ku secila dhomë është mobiluar me kujdes, me dysheme druri, ndriçim modern, dhe komoditete si TV me ekran të sheshtë, minibar, aparat çaji/kafeje, internet wireless ,pra gjithçka për një qëndrim të rehatshëm.

Por SIBB nuk është vetëm një vend për të fjetur, është edhe një pikë ku ndeshen ushqimi i mirë dhe shërbimi i përzemërt. Restaurant-bari i hotelit sjell një menu të larmishme që përfshin specialitete lokale dhe ndërkombëtare, duke u kujdesur që çdo detaj. Me mëngjes kontinetal falas dhe opsione për dreka/darka, SIBB u ofron mysafirëve një nga komfortet më të rëndësishme , ushqim të mirë dhe shije të rafinuar.

Që nga hapja e tij në 2023, hoteli ka arritur të kombinojë elegancën moderne me ngrohtësinë e një ambienti mikpritës, duke krijuar standarde të reja për akomodimin dhe shërbimin në Tiranë.