Princi Harry ka shprehur kënaqësinë për rikthimin e tij në Mbretërinë e Bashkuar, pas gjashtë vitesh jetese në Kaliforni. Ai tha se ndihet shumë mirë në vendin e tij dhe se fëmijët e tij janë të lumtur me jetën e re shkollore.

Harry dhe Meghan Markle, të cilët u tërhoqën nga rolet e tyre si anëtarë të lartë të familjes mbretërore në vitin 2020, thuhet se janë vendosur me familjen në një rezidencë private në Cotswolds, jashtë Londrës.

Mediat e huaja bëjnë me dije se fëmijët e çiftit, Archie dhe Lilibet, kanë ndryshuar shkollë për shkak të shqetësimeve të sigurisë gjatë udhëtimit. Ekipi privat i sigurisë së familjes kishte ngritur shqetësime për distancën dhe trafikun përgjatë rrugës së mëparshme për në shkollë. Ndërkohë, Harry është përqendruar në aktivitetet e lidhura me Lojërat Invictus, ndërsa Meghan ka kufizuar ndjeshëm paraqitjet e saj publike.

Javën e kaluar, Duka i Sussex vizitoi një shkollë në Birmingham, ku prezantoi një program edukativ të frymëzuar nga Lojërat dhe mori pjesë në aktivitete me nxënësit. Lojërat Invictus 2027 do të zhvillohen në Birmingham nga 10 deri më 17 korrik të vitit të ardhshëm. Harry tha se rikthimi në Britani lidhet me disa arsye, por nuk dha më shumë detaje.

Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.