Futbollisti i famshëm, Cristiano Ronaldo i propozoi partneres Georgina Rodriguez me një unazë prej 30 karatësh dhe vlerë 3 milionë dollarë gjatë muajit gusht, pas një lidhjeje 10-vjeçare.

Modelja argjentino-spanjolle, 31 vjeçe, së shpejti do të martohet me futbollistin portugez, 40 vjeç, pas propozimit të tij mbresëlënës me këtë diamant të madh.

Në një intervistë për ELLE Spain, Georgina në formë shakaje tha se një unazë e tillë ishte “minimumi që mund të bënte” pasi kishte pritur kaq gjatë për të marrë propozimin.

“Është e mrekullueshme. Minimumi që mund të më ofronte pas dhjetë vjetësh pritjeje (qesh). E vërteta është se, kur më propozoi, ishte gjëja e fundit që më shkonte ndërmend. Më duhej shumë kohë për të përpunuar gurin e madh që më dhuroi. U habita aq shumë sa e lashë në dhomën time dhe nuk e hapa deri ditën tjetër (qesh)”, pohoi modelja.