Është e habitshme sa shumë mund të ndryshojë një detaj i vetëm në një veshje…

Nëse ndjek stilin e “luksit të qetë”, gardëroba duhet të të jetë mbushur me veshje bazë dhe klasike si bluza në ngjyra neutrale, xhinse dhe pantallona të qepura mirë. Edhe pse ky stil pëlqehet, po kërkohen mënyra për t’i bërë këto veshje minimaliste pak më interesante pa u larguar nga estetika e thjeshtë dhe elegante.

Këtu hyn detaji me dantellë. Ky element po përdoret gjithnjë e më shumë dhe është mënyra perfekte për të ngritur edhe veshjet më të thjeshta. Një prekje dantelle që del në fund ose në jakë i shton butësi dhe teksturë një pamjeje të thjeshtë, duke e bërë atë të duket më e menduar dhe jo e zakonshme.

Pjesët me dantellë janë kudo këtë verë. Pantallonat e shkurtra me dantellë po zëvendësojnë ato prej xhinsi, bluzat asimetrike me dantellë janë bërë zgjedhje e preferuar për ato që s’duan stil të mërzitshëm, ndërsa fundet me dantellë po kthehen në një element bazë të garderobës.

Pasi ky trend është parë kudo, është bërë pjesë edhe e gardërobave personale. Një bluzë e thjeshtë me detaj dantelle në dekolte e transformon menjëherë një veshje bazë, duke e bërë të duket më elegante. Ajo funksionon si më vete, ashtu edhe e kombinuar me këmisha apo triko, duke e bërë një zgjedhje të lehtë, të rehatshme dhe që i jep stil çdo veshjeje të përditshme.