Mungesa e Arbanës Osmani në “Post Ferma VIP” ka shtuar edhe më shumë dyshimet se moderatorja i ka dhënë fund rrugëtimit të saj me formatin.

Edhe pse ishte ajo që drejtoi sezonin e dytë të “Ferma VIP”, programi pas finales nuk po prezantohet nga Arbana, por nga Florian Agalliu, i cili gjatë këtij edicioni ishte në drejtimin e “Fun Club”.

Tradicionalisht, post-programet e formateve të mëdha janë moderuar nga prezantuesi kryesor. Një praktikë e tillë është ndjekur edhe në “Big Brother VIP”, ku “Post Big Brother” është drejtuar nga i njëjti moderator që ka qenë në krye të spektaklit. Edhe vetë Arbana ka ndjekur këtë formulë në projektet e saj të mëparshme.

Jo vetëm kaq, por moderatorja nuk është parë as në festën e organizuar pas finales së “Ferma VIP”, ndërsa mungesa e saj ka vijuar edhe në emisionin pasues të formatit, duke shtuar spekulimet për një distancim nga projekti. Një tjetër detaj që ka tërhequr vëmendjen e ndjekësve është edhe një postim i Arbanës në Instagram, ku ajo publikoi momente nga eksperienca e saj në “Ferma VIP” dhe i shoqëroi me fjalët: “Kujtim i bukur”.

Ljo frazë lë të kuptohet se moderatorja e konsideron tashmë të mbyllur kapitullin e saj me “Ferma VIP”.

Megjithatë, deri më tani nuk ka pasur asnjë reagim zyrtar nga Arbana Osmani apo nga produksioni lidhur me të ardhmen e moderatores në këtë form