Nëse po vizitoni Tiranën, është vendi I duhur ku do të gjeni një shërbim të shkëlqyer dhe ushqim tradicional të gatuar me mjeshtëri të lartë. Rezidenca “Iluminatum” duket si një kala shkëputur nga përrallat.
Iluminatum Residence, eshte një ndërtesë tipike kështjelle antike.

Vend i mrekullueshëm për të ngrënë drekë, darkë ose për të organizuar një takim me miqtë dhe familjen tuaj. Ka një hapësirë të bollshme me një bar, një restorant, një park dhe një varkë. Shumë hapësirë dhe per fëmijët që të vrapojnë të lirë dhe të luajnë.

Rezidenca Iluminatum, është kaq e qetë dhe vendi i përsosur për t’u çlodhur.
Restoranti ndodhet pranë Urës së Peshkatarit në një hapësirë të gjelbëruar. Vendosur buzë Erzenit kjo hapësirë gjatë stinës së verës përdoret nga pushuesit, duke vendosur çadra dhe duke e kthyer kështu restorantin në një atraksion të veçantë. Restoranti përdor perimet dhe shpendët e zonës në funksion të kuzhinës së saj. Duke ecur përreth jush do të gjeni veten në kopshtin e tyre ku rriten perime të freskëta. Vendi ndodhet në natyrë të hapur dhe buzë lumit. Varka “pirate” është vendosur pranë lumit me një pamje fantastike. Ky restorant është gjithashtu I njohur për servirjen e kuzhinës mesdhetare. Ravioli i gatuar në mënyrë perfekte ka një shije që të mbetet në mendje.

Në këtë kështjellë përrallore nuk kishte si të mos organizoheshin evente të një klasi të lartë si: Teatër, Odeon, Mbremje Gala, Ekspozita Artesh, Shfaqje Muzikore, Ceremoni Martese, Seminare, Promovime, Festa, Evente.
Vendndodhja e shkëlqyer e këtij vendi e bën të lehtë arritjen edhe në orët e pikut.
Një vend mjaft unik. E ndërtuar mbi rrënojat e lashta, sot një restorant me gjurmë historike.
Ushqim i mirë, peizazh fantastik, çfarë mund të kërkoni më tepër për një kohë fantastike me njerëzit tuaj të zemrës?