Kur flemë, muskujt e fytyrës si dhe reflekset tona të gëlltitjes, janë plotësisht të relaksuar.

Meqenëse pështyma grumbullohet në gojë gjatë gjumit, mund të fillojë të pikojë ngadalë prandaj, ne përfundojmë duke pasur një jastëk të lagur që nuk është shumë i rehatshëm për të fjetur. Dalja e tepërt ose hipersalivimi mund të jetë shenjë e një sëmundjeje neurologjike ose rezultat i kongjestionit të hundës.

Si ta parandalojmë?

Pastroni sinuset!

Një nga arsyet kryesore të jargës është hunda e bllokuar, e cila e bën një person të marrë frymë përmes gojës. Pastrimi dhe zhbllokimi i sinuseve të hundës mund të jetë një mënyrë e mirë për të shmangur këtë situatë.

Ndryshoni pozicionin e gjumit!

Kjo mund të tingëllojë mjaft e qartë, por gjumi në shpinë është një pozë ku e gjithë pështyma e prodhuar nga trupi juaj qëndron në gojën tuaj dhe nuk derdhet jashtë. Anasjelltas, nëse flini në bark, pështyma e grumbulluar ka të ngjarë të rrjedhë nga goja juaj dhe mbi jastëk. Nëse mendoni se është shumë e vështirë të qëndroni në një pozicion gjatë gjithë natës, provoni të mbështilleni veten për të stabilizuar trupin tuaj.

Humbni peshë!

Pesha e tepërt luan një rol vendimtar në procesin tuaj të gjumit. Më shumë se gjysma e popullsisë në SHBA që vuajnë nga apnea e gjumit janë mbipeshë.

Përdorni pajisje speciale!

Konsultimi me një mjek mund t’ju ndihmojë të merrni pajisjen e duhur për gojën tuaj që do të ndihmojë në reduktimin e jargëve. Këto mund të jenë pajisje të ndryshme dentare që sigurojnë një mbyllje më të mirë të gojës dhe për rrjedhojë, ju ndihmojnë të bëni gjumë më të mirë.

Sigurohuni që të merrni ilaçin e duhur!

Nëse jeni duke marrë ndonjë ilaç , sigurohuni që ai të mos shkaktojë prodhimin e pështymës së tepërt. Disa antibiotikë për shembull, mund të shkaktojnë hipersilivim dhe të jenë shkaku i jargëve të tepërta