Një detaj në veshjen e perandoreshës së Japonisë, Masoka, ka tërhequr vëmendjen e gjithë rrjetit. Kjo pasi, Masoka u shfaq me maskë gjatë takimit me Mbretëreshën Camilla gjatë paradës në Trooping The Color më 15 qershor.

Arsyeja është se Masako është alergjike ndaj kuajve, sipas reporteres mbretërore Rebeça English.

Pas paradës, princ William e ka shoqëruar perandorin dhe perandoreshën e Japonisë në Paradën e Kuajve, ku ata përshëndetën Mbretin Charles, 75 vjeç. Mbreti Charles dhe Perandori Naruhito inspektuan një Gardë Nderi të formuar nga Garda e Uellsit të Batalionit të Parë, ku Princi William mban pozicionin e kolonelit. Pas kësaj, ata nisën një shëtitje me karrocë përgjatë The Mall në Londër, të stolisur me flamujt japonezë dhe të Union Jack, duke marrë rrugën për në Pallatin Buckingham.

Vizitat shtetërore janë detyra kryesore diplomatike për familjen mbretërore britanike, vendimtare për forcimin e marrëdhënieve me kombet në mbarë botën.