Bad Bunny, i përfolur së fundmi për një romancë me modelen e klanit Kardashian,
Kendall Jenner, duket se ka përmendur ishin e kësaj të fundit në këngën e tij re re.
Bashkëpunimi më i fundit i Bad Bunny-t në këngën e Eladio Carrión-it, “Coco Chanel”,
po i bën të gjithë të dyshojnë pasi vargjet e saj duket se i referohen  ish të dashurit të Kendall Jenner, Devin Booker.

   Bad Bunny repon: “Unë nuk jam i keq, vogëlushe ky është një mashtrim / Por dielli në Porto Riko është më i nxehtë se në Phoenix / Ajo e di këtë.”
Por kjo nuk është e gjitha, pasi 29-vjeçari vazhdon të thotë edhe “las de escorpio son peligro”, që përkthehet në “Gratë Akrep janë të rrezikshme”. (Dhe po, nëse po mendoheni, Kendall është me të vërtetë një Akrep).

  Bashkëpunimi i fundit i Bad Bunny vjen vetëm disa ditë pasi ai dhe ylli i Kardashians u panë duke u larguar nga festa e Beyoncé dhe Jay-Z në Oscar 2023 në Los Angeles. Dalja natën vonë e çiftit në natën më të bukur të Hollivudit ishte e fundit e një serie pamjesh që shfaqnin të dy gjatë javëve të kaluara, me muzikantin dhe modelen e parë gjithashtu duke ngrënë darkë me Justin Bieber dhe Hailey Bieber dhe duke shkuar në një restorant të veçantë me një grup miqsh.