Emri i faqes zyrtare të Luiz Ejllit në Instagram nuk mban më emrin e tij.
Tashmë ka një emër tjetër, atë të së motrës. Vlen të përmendet që gjatë
qëndrimit në shtëpinë më të famshme në vend, faqja zyrtare e këngëtarit
kishte grumbulluar plot 637 mijë ndjekës në këtë rrjet social. Tashmë llogaria
e tij është kthyer në ina.ejlli dhe për këtë ajo ka dhënë një sqarim:

“Fansa të dashur, për arsye sulmesh deri në ekstrem për të vjedhur këtë Instagram,
motra e Luizit që është zotëruesja e këtij Instagrami do ta menaxhojë vetë.
Me shumë dashuri familja e Luizit”

Duke marrë parasysh që vetë Luizi ka treguar brenda shtëpisë që nuk ka pasur më parë një
llogari në Instagram dhe para se të hynte ia ka lënë në dorë shoqes së tij, Genës që ta
krijoja dhe ta mbajë adresën e tij.

Duke parë famën e Luizit në Big Brother VIP Albania 2, kjo u deklarua si adresa zyrtare e
Luizit dhe grumbulloi një shifër të lartë nga tifozeria që ai ka jashtë shtëpisë së “Big Brother Vip”. Por adhuruesit e tij nuk janë aspak të lumtur. Ato duan që Instagrami të rikthehet siç ishte e duke mos
qenë i tillë, janë larguar.