Kevin Jacobs është emri më i lakuar në rrjetet sociale së fundmi për shkak të banorit më të pëlqyer brenda shtëpisë së Big Brother Vip Albania 2, Luiz Ejllit që ka treguar që është një ndër lojtarët e tij të preferuar të këtij formati dhe që e ka studiuar para se dhe ai vetë të bëhej pjesë e këtij formati.

  Kjo gjë u vu re dhe në “kurthin” që I ngriti Maestros dhe Kristit duke hyrë në tualet me ta duke e ditur që kjo shkon kundra rregullave të formatit dhe duke shkaktuar një televotim, si pasojë e të cilit u largua Maestro.
   

  Ky “kurth” i famshëm është bërë dhe më parë nga Kevin Jacobs dhe duket se Luizi “I ka kryer mirë detyrat e shtëpisë” para se të bëhej pjesë e formatit.
Pasi Luizi e zbuloi këtë, shumë adhurues i kanë treguar kanadezit se si Luizi po frymëzohet nga ai. Para disa ditësh Kevin shpërndau një video në Instagramin e tij, duke shfaqur mbështetje për Luizin, të cilin e cilësoi si gjeni dhe sigurisht fitues të lojës. Brenda pak orësh Kevin fitoi mijëra ndjekës dhe vazhdon të fitojë pasi publikon shpesh video ku flet për Luizin dhe për strategjinë e tij nisur nga gjuha trupore pasi nuk kupton shqip.
   

    Shumë pyetje ka pasur lidhur me intervistat e tij. Vetë Kevin në një status shkruante se njerëzit i kanë thënë se nuk duhet të japë intervista në “Top Channel” dhe hapi një sondazh ku pjesa më e madhe votuan për “Jo”.
   U përfol se kishte ardhur në Tiranë, por këto lajme u mohuan nga vetë Kevin, duke thënë që ndodhej në Toronto, jo në Tiranë.